Mir Taqi Mir

Mir Taqi Mir was an influential Indian poet who gave shape to Urdu language and literature. He is well known as God of Poetry because of his poetry.

Woh tujh ko bhoole hain to tujh pe bhi laazim hai..

Meer Taqi Meer poetry

Woh tujh ko bhoole hain to tujh pe bhi laazim hai Meer,
Khaak daal, aag lagaa, naam na le, yaad na kar..

Ab kar ke faramosh to na’shaad karo ge..

Meer Taqi Meer poetry

Ab kar ke faramosh to na’shaad* karo ge,
Per hum jo na hon ge to bohat yaad karo ge..

(na’shaad;cheerless)

Aag they ibtidaa-e-ishq mein hum..

Meer Taqi Meer poetry

Aag they ibtidaa-e-ishq mein hum,
Ho gaye khaak intehaa yeh hai..

Zulmat-e-shab ko sitaaron se sanwaara hum ne..

Meer Taqi Meer poetry

Zulmat-e-shab ko sitaaron se sanwaara hum ne,
Kitni raton ko tujhe uthe ke pukara hum ne,

Jab kabhi hath se umeed ka daaman choota,
Le liya aap ke daaman ka sahara hum ne,

Yoon to dunya bhi mukhaalif hai hamari warna,
Rukh badaltey huye dekha hai tumhara hum ne,

Hum zamaney se bhi takraa gaye teri khaatir,
Jo na karna tha kiya woh bhi ganwaara hum ne,

Ae Taqi, Gham nahin yeh jaan rahe ya na rahe,
Paa liya un nighaaon ka ishaara hum ne..

Aaney ke waqt tum to kahin rahe..

Meer Taqi Meer poetry

Aaney ke waqt tum to kahin ke kahin rahe,
Ab aye tum to fayda! hum hi nahin rahe..

Sakht kaafir tha, jis ne pehle..

Meer Taqi Meer poetry

Sakht kaafir tha, jis ne pehle “Mir”,
Mazhab-e-ishq ikhteyaar kiya..

Sharminda hon ge, jaaney bhi do imtihaan ko..

Meer Taqi Meer poetry

Sharminda hon ge, jaaney bhi do imtihaan ko,
Rakhe ga tum ko kon aziz, apni jaan se..

Laga na dil ko kya sunaa nahin tu ne..

Meer Taqi Meer poetry

Laga na dil ko kya sunaa nahin tu ne,
Jo kuch ke Meer ka is aashqui ne haal kiya..

Kya kahun tum se main ke kya hai ishq

Meer Taqi Meer poetry

Kya kahun tum se main ke kya hai ishq,
Jaan ka rog hai, bala hai ishq.

Ishq hi ishq hai jahaan dekho,
Saare aalam mein bhar raha hai ishq.

Ishq maashuq ishq aashiq hai,
Yaani apna hi mubtala hai ishq.

Ishq hai tarz-o-taur ishq ke taeen,
Kahin banda kahin Khuda hai ishq.

Kaun maqsad ko ishq bin pohuncha,
Aarzoo ishq wa mudda hai ishq.

Koi khwaahan nahin mahabbat ka,
Tu kahe jins-e-narawa hai ishq.

Mir ji zarad hote jaate hain,
Kya kahin tum ne bhi kiya hai ishq..

Aa jayen hum nazar tou

Meer Taqi Meer poetry

a jayen ham nazar jo koi dam bahut hai yan
mohlat basan-e-barq-o-sharar kam bahut hai yan

yak lahza sina kobi se fursat hamein nahin
yani ki dil ke jane ka matam bahut hai yan

ham rah rawan-e-rah-e-fana der rah chuke
waqfa basan-e-subh koi dam bahut hai yan

hasil hai kya siwaye tarai ke dahar mein
uth asman tale se ke shabnam bahut hai yan

is butkade mein mani ka kis se karen sawal
adam nahin surat-e-adam bahur hai yan

ajaz-e-isawi se nahin bahs ishq mein
teri hi bat jan-e-mujassim bahut hai yan

mere hilak karne ka gam hai abas tumhen
tum shad zindagani karo gam bahut hai yan

shayad ke kam subh tak apana khinchena ?Mir?
ahawal aj sham se darham bahut hai yan

Ibtadaee Ishq Hai Rota Hai Kya

Meer Taqi Meer poetry

  Ibtadaee ishq hai rota hai kya . 

  Aage aage dekhiya hota hai kya , 

  Qafile mein subah ke ek show hai, 

  Yaani ghaafil hum chale shota hai kya , 

  Sabz hoti hi nahin yeh sar zamin, 

  Tukhm-e-khawaish dil main tu bota hai kya, 

  Yeh nishaan-e-ishq hai jaate nahin, 

  Daagh chhaati ke abas dhota hai kya. 

  Ghairat-e-Yousaf hai Yeh waqt-e-aziz, 

  Mir isko raigaan khota hai kya,